Når ein bryggar øl, sit ein igjen med mykje avfall frå kornet ein har brygga ølet på. Det kallar ein malt. Til no har malten stort sett gått i matavfallet her heime, men i går prøvde eg å bake knekkebrød av deler av malten. Det vart utruleg bra!
Mannen brygga American Pale Ale i helga, og det var malten frå denne eg nytta. Knekkebrøda vart knasande sprø, og med ein litt søtleg og rund smak. Godt!
Eg bakar knekkebrød omtrent ein gong i veka. Det er så utruleg godt og ikkje minst lettvint mat når ein ikkje har tid til dei lange matstundene. Eg har prøvd mange oppskrifter, men til no er favoritten ei oppskrift frå Berit Nordstrand si bok Mat med mer. Det var denne eg nytta som utgangspunkt for desse knekkebrøda.
Ølknekkebrød
- ca. 1 l malt
- ca. 3,5 dl finmalt rugmjøl
- 1/2 ts salt
I den opprinnelege oppskrifta til Berit Nordstrand, nyttar ho ulike typar gryn, frø, nøtter og mjøl. Ein må då tilsette vatn i tillegg. Då malten var såpass fuktig, var det ikkje behov for noko ekstra vatn i oppskrifta.
Bland ingrediensene godt og la røra svelle i 20 minutt.
Fordel røra på to steikebrett dekka med bakepapir. Smør røra tynt utover slik at den dekker heile steikebrettet. Eit godt tips er å nytte ein slikkepott som du dyppar med jamne mellomrom i ein kopp med vatn. Då heng ikkje røra fast og det vert det lettare å smøre utover.
Sett begge steikebretta inn i omnen og steik på 175 grader varmluft i 30 minutt. Ta steikebretta ut og del opp knekkebrød i passande størrelsar med eit pizzahjul.
Sett bretta inni igjen og seink temperaturen til 100 grader. La knekkebrøda tørke i 1-1,5 time. Følg godt med slik at dei ikkje svir seg.
Ta ut knekkebrøda når dei er gjennomsteikte og tørre. La dei kjølne på brettet før du knekk opp betane.
Nyt!
Smaken på knekkebrøda vil nok variere litt ut i frå kva type øl du nyttar malten til. Eg gler meg til å prøve fleire typar, -for dette gav meirsmak!
Ha ein strålande dag!
/Inga
Notisboka 